Konflikti (gati) i harruar Sirian

Erdogan përsërit thirrjen për dorëheqjen e Asadit

Kryeministri i Turqisë, Rexhep Tajip Erdogan, sot përsëriti thirrjen e tij për udhëheqësin e Sirisë të largohet dhe t’i jap fund represionit të përgjakshëm kundër protestuesve.
Thirrja e Erdoganit, vjen përpara një votimi që pritet të bëhet në Kombet e Bashkuara, lidhur me një rezolutë që dënon regjimin e presidentit Bashar al-Asad ndaj protestuesve.
Ambasadori i Sirisë në Kombet e Bashkuara, Bashar Jafari, të hënën e ka quajtur këtë projekt rezolutë, si një “shpallje lufte”.

Alsat-M

Siri, 33 të vdekur nga protestat

Të paktën 30 persona janë vrarë në aksionet e fundit të forcave policore-ushtarake në disa qytete në Siri. Intervenimi pasoi menjëherë pas publikimit të rezolutës së OKB-së me të cilën i bëhet thirrje regjimit të presidentit Asad që menjëherë ta ndërpresë dhunën ndaj civilëve që me muaj të tërë demonstrojnë kundër regjimit të tij. Pas miratimit të rezolutës, ambasadori i Sirisë në OKB, Bashar Xhafari akuzoi se pas vendimit qëndrojnë Shtetet e Bashkuara të Amerikës.
“Edhe përkundër faktit që propozim- rezoluta u prezantua prej tre shteteve evropiane, nuk është asnjë sekret se SHBA-të janë truri kryesorë që qëndrojnë pas kësaj fushate politike kundër vendit tim. Kjo propozim- rezolutë nuk ka të bëjë me të drejtat e njeriut, por është pjesë e politikës amerikanë drejtuar kundër vendit tim”, deklaroi Bashar Xhafari, ambasador i Sirisë në OKB.
Protestat kundër qeverisjes së presidentit Bashar Al Asad filluan para 8 muajve, ndërsa në trazirat e deritanishme, jetën e kanë humbur të paktën 4 mijë njerëz.


Alsat-M

Ka pamjen e një menaxheri të ri. E vështirë të mendosh se personazhi që buzëqesh i veshur me kostum të zi përshëndet stafin me një çantë në dorë teksa hyn në pallatin “Tishreen”. Por në fakt është Bashar al-Assad, Presidenti sirian, vendi ku janë vrarë më shumë se 3500 persona në tetë muaj dhunë të vazhdueshme që arriti kulmin javën e kaluar në përleshje të armatosura, të cilat u krahasuan nga ministri i Jashtëm rus, me një luftë civile. Assad, 46 vjeç, tashmë është në qendër të kritikave ndërkombëtare. Ish-aleatët e Ligës Arabe i kishin dhënë kohë deri në datën 20 nëntor për t’i dhënë fund “represionit të përgjakshëm”, duke e kërcënuar me sanksione të rënda ekonomike. Kur e pyet se çfarë ndien, babai i dy djemve 6 dhe 9 vjeç dhe një vajze 8-vjeçare, kur sheh fotot e fëmijëve të vegjël e të pafajshëm të vrarë gjatë përleshjeve, thotë: “Vuaj si çdo sirian tjetër. Çdo pikë gjaku që është derdhur më prek personalisht. Në detyrën time si President duhet të mendoj për hapat që do të ndërmarr për të shmangur gjakderdhjen. Me fakte jo me fjalë.”

Bandat e armatosura

Zgjidhja, këmbëngul ai, nuk qëndron te tërheqja e forcave të tij ushtarake, por tek eliminimi i militantëve që, sipas tij, janë përgjegjësit kryesorë të përplasjeve të armatosura. “E vetmja rrugë është kërkimi i bandave të armatosura, bllokimi i armëve të ardhura nga vendet fqinje, parandalimi i sabotimit dhe vendosja e ligjit dhe rregullit.”

Liga arabe

Për Assad, lëvizja e Ligës Arabe ka si qëllim “për të treguar se ekzistojnë probleme mes arabëve, duke i dhënë kështu një pretekst vendeve perëndimore për një ndërhyrje ushtarake kundër Sirisë. Por paralajmëron se “do të ishte një tërmet që do të trondiste gjithë Lindjen e Mesme”.

Represioni

Assad e pranon se ka pasur edhe gabime të bëra nga ana e forcave të sigurisë, por këto ua atribuon individëve të veçantë. “Policia e Shtetit nuk është mizore kundrejt qytetarëve: e rëndësishme është të zbulohet se kush ka gabuar, duke e bërë të përgjigjet për gabimet e tij. Dhe kjo, në shumicën e rasteve është bërë”. Në qytetin ku kanë ndodhur masakrat më të tmerrshme, ushtarët që kanë goditur protestues të paarmatosur dhe zyrtarë që kanë dhënë urdhër për të goditur, janë arrestuar. Por ende shumë të tjerë kanë mbetur të pandëshkuar.

Viktimat

Assad nuk flet për numrin e të vdekurve që, sipas tij, janë shifra të ekzagjeruara nga opozita që ka numëruar mes viktimave edhe persona që më pas kanë rezultuar të gjallë. Sipas regjimit, totali i viktimave nuk është 3500, siç pretendojnë aktivistët, por rreth 619 demonstrues të vrarë nga shkëmbimi i zjarrit mes forcave të sigurisë dhe bandave të armatosura, viktima vrasjesh me natyrë sektare, dhe mbështetës të regjimit. Fakt është që shumë civilë të pafajshëm kanë mbetur të vrarë. “Asnjë qenie njerëzore nuk mund ta kthejë kohën pas, por mund të japë prova maturie. Roli im, ose më mirë obsesioni im i përditshëm, është të ndalet gjaku i derdhur nga terroristë të armatosur që veprojnë në zona të caktuara”. Sipas Assad, kanë vdekur edhe 800 pjesëtarë të Forcave të Armatosura, disa të vrarë nga islamikët, ndërsa të tjerë nga dezertorët.

Fati i diktatorëve

Në vende të tjera, kërkesat për reforma kanë çuar në rënien e liderëve përkatës: Ben Ali në Tunizi, Mubarak në Egjipt,

Muamar Gadafi në Libi. Por për Assad rasti i Sirisë është ndryshe. Manifestimet në mbështetje të tij tregojnë ende se gëzon një mbështetje të konsiderueshme. Për më tepër ekzistojnë edhe dy faktorë që theksojnë rëndësinë e zhvillimeve në Siri: pozicioni delikat i vendit, në kufi me Iranin, Irakun dhe Izraelin. Për më tepër edhe përbërja fetare. Elita alawita përfaqëson 12 për qind të popullsisë, kundrejt 74 për qind të sunitëve, ngjitja e të cilëve në pushtet mund të ketë pasoja të paparashikueshme në raportet e brishta mes Sirisë dhe fqinjëve, mbi të gjitha nëse do të fitonin peshë militantët fondamentalistë.

Presioni ndërkombëtar

Në vitin 1982, Hafez al-Assad, i ati, shtypi një revoltë islamike në Hama: sipas vlerësimeve pati më shumë se 200 të vdekur. I biri duket shumë i vendosur të bllokojë çdo ekspansion të fondamentalizmit, në interes të stabilitetit: një faktor që, sipas tij, kontribuon për t’i garantuar mbështetjen e Rusisë, Kinës dhe Indisë. Edhe në Londër dhe Uashington ekziston frika se një destabilizim i Sirisë, mund të shkaktojë tërmet në të gjithë rajonin: “Konflikti do të vazhdojë, ashtu si presionet për të nënshtruar Sirinë. Por vendi im nuk do të përulet”.

Zgjedhjet

Miliona sirianë kanë zbritur në shesh për të kërkuar zgjedhje të lira, lirimin e të burgosurve politikë dhe fundin e torturave dhe brutaliteteve të policisë. Assad mbështet se ka nisur një proces reformash gjashtë ditë pas fillimit të protestave: por një pjesë e kundërshtarëve iu përgjigjën me armë. “Tani, pas 8 muajsh, panorama është më e qartë. Nuk është çështje protestash paqësore, por e një operacioni të armatosur”. Megjithatë Assad mendon që zgjedhjet të zhvillohen në shkurt apo mars. “Do të kemi një Parlament të ri, pastaj një qeveri të re. Një Kushtetutë e re do të vendosë rregullat e zgjedhjes së Presidentit”. Ai siguron se në rast të një humbjeje elektorale do të heqë dorë nga detyra. “Jam këtu për t’i shërbyer vendit, nuk pres që vendi të më shërbejë mua.”

Do të luftoj deri në fund

Assad e cilëson si “të pavend” vendimin e Ligës Arabe. Sipas tij, edhe pse sanksionet ekonomike do ta dëmtonin shumë vendin, duhet gjetur mënyra për të reduktuar impaktin. Ajo që e shqetëson, është se liderët arabë afër Perëndimit po përgatitin territorin për një ndërhyrje ushtarake bazuar te modeli libian. Thuhet se Turqia po merr në konsideratë propozimet për marrjen e masave për mbrojtjen e popullsisë civile në kufirin me Sirinë. Po ashtu po thellohet dyshimi për ndonjë lloj forme veprimi ushtarak ndaj Sirisë. Nëse ndodh kështu, ai do të ishte gati të luftonte e të vdiste? “Po, absolutisht”. Do të luftojë për të ruajtur postin e Presidentit? “Me siguri që jo, sepse kjo do të thotë që luftoj për veten dhe jo për Sirinë. Nëse do të luftoj, do ta bëj për Sirinë dhe popullin sirian”.

Vazhon Bota te mos beje asgje konkrete ne lidhje me konfliktin sirian. Qe te mos jemi shume pesimiste, se paku kete konflikt e denojne me fjale e sanksione palidhje qe s'kane kurfare ndikimi ne ndaljen e operacioneve shteterore kunder njerezve. Ka dhe me keq - Bahraini. Askujt s'ia ndjen si vriten qytetaret e Bahrainit nga pushteti mbreteror.

Lidhja arabe me afat të ri për Sirinë

Lidhja Arabe ngriu dje pasuritë e 19 zyrtarëve të lartë sirianë dhe ndaloi udhëtimin e tyre në shtetet arabe.

Pas një takimi në Doha, ministri i Jashtëm i Katarit Sheik Hamad bin Jassim al-Thani, i cili kryeson komisionin e procesit të paqes të Lidhjes Arabe, tha se paneli i dha gjithashtu afat deri sot Damaskut për të shkuar në Doha që të nënshkruajë një marrëveshje për t’i dhënë fund goditjes ushtarake të protestave.

Po ashtu dje, aktivistët sirianë thanë se të paktën 23 persona u vranë në protestat anti-qeveritare në gjithë vendin, duke përfshirë përleshjet e dhunshme mes trupave qeveritare dhe ushtarëve kryengritës në provincën veriore Idlib. Dëshmitarët thanë se betejat janë intensifikuar ditët e fundit, ndërsa ushtarë të tjerë kanë dezertuar nga njësitë e rregullata të ushtrisë.

Luftimet e fundit u zhvilluan një ditë pasi Këshilli i Kombeve të Bashkuara për të Drejtat e Njeriut votoi për ta ndëshkuar Sirinë për "shkeljet e rënda dhe sistematike të të drejtave të njeriut" që lidhen me goditjen qeveritare ndaj disidencës. Këshilli ra dakord gjithashtu të emërojë një hetues të posaçëm për të shqyrtuar shkeljet e të drejtave të njeriut në Siri.

Ndërkaq, dje në Stamboll, zëvendëspresidenti Xho Bajden vlerësoi Turqinë për marrjen e masave ndaj shtypjes së protestave në Siri. Ai iu bashkua gjithashtu udhëheqësve të tjerë botërorë në thirrjen drejtuar Presidentit sirian Bashar al-Assad që të japë dorëheqjen. MIA
/Alsat-M/

Emiri i Katarit: Trupa në Siri

Top Channel VIDEO

Sheiku Hamad bin Khalifa Al Thani deklaroi për kanalin informativ amerikan CBS se, “disa trupa duhet të dërgohen për të ndalur vrasjet”.

Është herë e parë që një lider arab ka bërë thirrje publikisht për ndërhyrje ushtarake në Siri, ku sipas OKB, mbi 5 mijë civilë janë vrarë që nga nisja e protestave në mars të vitit të kaluar.

Katari ishte vendi i parë arab që iu bashkua operacioneve të NATO-s në Libi, që cuan në rrëzimin e liderit libian, kolonelit Muammar Gaddafi.

Gjithashtu, ky vend ka ngritur zërin për shtypjet e dhunshme
nga presidenti Bashar al Assad në Siri dhe presidenti Ali Abdullah Saleh në Jemen.

Situata në Siri vazhdon të jetë e tensionuar. Tanke dhe trupa ushtarake hynë gjatë natës në qytetin kufitar Zabadan, pas protestave masive të mbajtura kundër presidentit Assad.

Ushtria bombardoi qytetin, por sipas raporteve të aktivistëve, ajo hasi në rezistencën e pjesëtarëve të Ushtrisë për Lirinë Siriane, që ka mjaft influencë në këtë zonë.

Ndërkohë, dhjetëra mijëra vetë morën pjesë në tubime mbështetëse për grupin e dezertorëve që kërkon të rrëzojë Assad nga pushteti.

Figura të rëndësishme opozitare thanë se Zabadani ishte izoluar dhe se komunikimet ishin ndërprerë. Sipas të njëjtave burime, nga bombardimet e ushtrisë mbetën të vrarë 12 civilë, tre prej tyre fëmijë.

Marreveshje paqesore ndoshta nuk eshte e mundur kur behet fjale per nje diktator, nje nderhyrje ushtarake kishte me qene e duhur ( perjashto ketu Ameriken ).

Ky postim është ndryshuar nga Per@ndorj@ në 15.01.2012, 11:14

Siri, amnisti e përgjitshme për dezertorët

Top Channel

Presidenti i Sirisë, Bashar al-Assad, shpalli ditën e dielë një amnisti të përgjithshme për të gjitha krimet e kryera gjatë dhjetë muajve të revoltave që kanë përfshirë vendin.

Nga amnistia do të përfitojnë të gjithë ata që kanë dezertuar rradhët e ushtrisë për t’u bashkuar me rebelët dhe të gjithë ata që kanë dorëzuar tek autoritetet armë të palicensuara, raportoi televizioni shtetëror.

Sipas Organizatës së Kombeve të Bashkuara, mbi 5 mijë persona janë vrarë që prej nisjes së konfliktit, ndërsa 14 mijë të tjerë mbahen nëpër burgje. Megjithatë, këto të dhëna mbeten të pakonfirmuara, pasi mediat ndërkombëtare nuk lejohen në vend.

Sekretari i Përgjithshëm i OKB-së, Ban Ki-Moon, i ka adresuar disa thirrje presidentit Assad, duke i kërkuar fundin e dhunës në vend.

Pavarësisht presionit të madh ndërkombëtar mbi Sirinë, disa rezoluta të mëparshme që do të imponin shtrëngimin e bllokadës ekonomike janë hedhur poshtë nga vetoja ruse.

Ky postim është ndryshuar nga Cusack në 15.01.2012, 13:51

Siria hedh poshte propozimin e Emirit te Katarit

Ministri i jashtem sirian thote qe komentet e Emirit te Katarit rrezikojne te vrasin mundesine e bashkepunimit te Sirise me Ligen Arabe.

Me shume ne Al Jazeera English

OKB: Rusia lëshoi në qarkullim draftin e ri për Sirinë

Rusia e ka lëshuar në qarkullim një rezolutë të rishikuar të Këshillit të Sigurimit të Kombeve të Bashkuara për Sirinë, por diplomatët perëndimorë citohet të kenë thënë se drafti ende nuk e dënon fuqishëm goditjen e protestuesve nga regjimi i Bashar al-Asadit.
Raportet thonë se ekspertë nga 15 shtete anëtare të Këshillit të Sigurimit pritet të takohen më vonë gjatë ditës së sotme për ta diskutuar këtë tekst të Rusisë.
Për muaj të tërë, Këshilli është i ndarë sa i përket konfliktit të Sirisë; me vendet perëndimore në njërën anë, që kërkojnë një dënim të fuqishëm të regjimit dhe me Rusinë në anën tjetër, një aleate e kahershme e Sirisë, që shtynë përpara një rezolutë që u bën thirrje të gjitha palëve për shuarje të dhunës.
Ndërkohë, sekretari i përgjithshëm i Kombeve të Bashkuara, Ban Ki Mun ka kërkuar nga Këshilli i Sigurimit që përfundimisht ta trajtojë çështjen e krizës në Siri, në atë që ai e quajti, ‘mënyrë koherente’.

Alsat-M

Mendoj qe krejt bota arabe te ndrejo garnituren e tyre dhe shembull te marin turqine ,kurse bota perendimore te heqe dore nga pasurite e arabeve dhe mos perzihen ne politikat e tyre ,per perfitime ekonomike .secili te kete te drejte ne kornizat njerzore .evropjanet dhe amerikanet nuk jan me te hajrit se arabet ,por tek kta ndron sistemi kesaj i thone ka te rotullohesh ne b.... e kije

Pasi Siria nuk kufizohet lme Evropen dhe nuk paraqet rrezik,nuk ka me pasur intervenim ushtarak,,,

Kufizohet me Izraelin ......

Ky postim është ndryshuar nga beva72 në 18.01.2012, 14:54