Gac Filipaj në vitin 1992 e ka lënë Malin e Zi kur në Jugosllavi filloi lufta. Njëra ndër lëndët më të preferuara të tij ishte filozofia, kurse veçanërisht ka adhuruar ta mëson Senekën. I vjen keq që babai i cili ka vdekur në prill, nuk është gjallë që të dëshmon suksesin e tij

Me vite Gac Filipaj ka fshirë dysheme, pastruar toalete dhe ka hedhur mbeturina në Universitetin Columbia në Nju Jork. Refugjati nga lufta e Jugosllavisë së shkatërruar luftoi për jetë duke punuar punët më të pista. Kurse të dielën u kthye në stil të veçantë. Ky 52 vjeçar atë ditë ka mbajtur kapelë dhe veshur fustan për të festuar përfundimin e studimeve që i ka ndjekur 12 vite të plota. Filipaj, që me prejardhje është nga Mali i Zi, nuk është dashur t’i paguan studimet sepse veç më kishte qenë i punësuar në universitetin Columbia, shkruan Daily Mail.

Me date 15 Maj 2012 (E Martë), me fillim në ora 12:00 para Qendrës së kulturës në Tetovë, për të dytin vit rradhazi organizohet manifestimi “Dita e dallimeve”.

“Dita e dallimeve”, është një ditë pak më ndryshe, ditë në të cilën është mirë të jeni të ndryshëm dhe të tregoni dallimet e juaja me qëllim që tjerët t`iu njofin dhe t`iu pranojnë ashtu siç jeni.

Organizatorë të këtij manifestimi janë Shoqata Multikultura në bashkëpunim me Komunën e Tetovës, NCBI Zvicër dhe Ministrinë e punëve të jashtme të Norvegjisë.

Mes programit të pasur të kësaj dite, do të mund të gjeni diçka për shijen e secilit, ushqim dhe valle tradicionale për më të rriturit, art dhe argëtim për të rinjtë, dhe kloun, i cili do të kujdeset që fëmijët të kalojnë sa më bukur.

TETOVË, 11 maj - Rokada të shumta të posteve në Universitetin Shtetëror të Tetovës. Rektori Reka ka larguar dy personat e afërt të tij, prorektorin për çështje arsimore Ismail Ahmeti dhe prorektorin për shkencë, Reshat Qaili. Vendimi është marrë nga vet rektori Reka, ndërkohë që burime brenda USHT-së sqarojnë se Senati i universitetit nuk ka mbajtur mbledhje akoma, organ ky që merret me emërimet dhe shkarkimet e zyrtarëve.

Shkup - Pronat e patundshme të Universitetit të Evropës Juglindore në Tetovë menaxhohen nga shteti pavarësisht fakti se UEJL është universitet privat jofitmprurrës. Rreth 10 mijë metra katrorë, të cilat përfshijnë godinat e këtij universiteti, janë në hipotekë nga Ministria e Arsimit dhe Shkencës për nevojat e kësaj të fundit. Në UEJL, nuk shohin asgjë të keqe në këtë raport që kanë ndërtuar MASH dhe UEJL, pasi kjo sipas tyre, është bërë si pjesë e kërkesave ligjore me të cilat rregullohet në Maqedoni e drejta e akreditimit të programeve studimore.

Emri i Bekim Haxhiut do të vihet këtë javë para senatorëve të Universitetit të Prishtinës, për t’i dhënë votën që të zgjidhet asistent në Fakultetin e Mjekësisë. Ai s’i plotëson të gjitha kriteret ligjore për të marrë të tillë thirrje akademike.

Senati formalisht voton listën e kandidatëve për thirrje të caktuara akademike, pasi të bëhet përzgjedhja nga organet e fakultetit dhe nga një komision profesional në Rektorat, shkruan “Koha Ditore”.

Xhelal NEZIRI

Një ditë pas rangimit të Maqedonisë në vendin e fundit në rajon për nga liria e medieve, ministrja e Punëve të Brendshme Gordana Jakullovska u bëri recenzion atyre se si kanë raportuar gjatë aksionit “Monstër” për arrestimin e të dyshuarve për vrasjen e pesë të rinjëve në afërsi të liqenit në Smilkovcë të Shkupit. Sikur nuk ishte e kënaqur me këtë rangim që e barazoi vendin me Ukrainën, por se kishte pritur të shoqëronte Rusinë, Bjelorusinë, Sirinë dhe vendet tjera me mungesë totale të lirisë së medias. Që moti kjo qeveri është vënë në rolin e kryeredaktorit të medieve, duke njollosur dhe mbyllur ato që përpiqen të shfaqin një realitet ndryshe nga ai i projektuar në kabinetet qeverisëse.

Universiteti i Prishtinës është duke u hetuar me dyshimet për parregullsi të shumta. Njësiti për Krime Ekonomike i Policisë së Kosovës, javë më parë ka marrë në Rektoratin e UP’së, listat e pagave për vitet 2010 e 2011. Mendohet se në disa raste paga mujore e një profesori ka mbërritur deri në 8 mijë euro.

Krejt listat e pagave të Universitetit të Prishtinës për vitin 2010 dhe 2011 ndodhen në duart e Njësitit për Krime Ekonomike.

Para një muaji, dy hetues nga ky njësit i Policisë së Kosovës, kanë shkuar në Rektoratin e UP’së dhe nga aty, i kanë marrë të shtypura listat e pagave për këto dy vjet.

SHKUP, Nostrifikimi i parë i diplomës në Bruksel, në kuadër të marrëveshjes ndërmjet Prishtinës dhe Beogradit, ka dështuar, shkruajnë mediat serbe. Duke u thirrur në burimet brenda selisë së diplomacisë evropiane. “Novosti” thotë se çdo gjë ka qenë gati për procedurën në prani të grupit trepalësh të ekspertëve, por "ajo ka rënë poshtë për shkak se pretenduesit për nostrifikim të diplomës i ka munguar një dokument përcjellës".

Tetovë, 19 prill - Studentëve nga Kosova, Shqipëria dhe Lugina e Preshevës, të cilët studiojnë në dy universitetet në Tetovë, nga e Policia së Maqedonisë u është kërkuar urgjentisht të rregullojnë dokumentacionin e lejeqëndrimit, në të kundërtën - do të depërtohen në vendet e tyre. Lajmi është konfirmuar edhe nga Universiteti i Evropës Juglindore në Tetovë, ku studiojnë studentë nga tre viset shqiptare, të cilët kanë kërkuar që organet përgjegjëse të zgjidhin këtë problematikë. Aplikimi i kësaj mase, sipas autoriteteve policore, është në përputhje me Ligjin me të huajt, të cilin Maqedonia e ka miratuar kohë më parë. Në bazë të shifrave jozyrtare, janë 60 studentë nga Kosova, të cilët nuk e kanë të zgjidhur problemin e lejes së qëndrimit në Maqedoni dhe të njëjtit duhet që të parashtrojnë kërkesë në Ambasadën e Maqedonisë në Kosovë, dhe në bazë të vendimit të ambasadës, do të mund të rregullojnë lejen e qëndrimit. Për aktualizimin e kësaj mase, me deklaratë qetësuese ka dalë ambasadori i Kosovës në Maqedoni, Skender Durmishi. Sipas tij, çështja e lejes së qëndrimit duhet të zgjidhet në bazë te ligjeve dhe është në të mirë të studentëve, por edhe qytetarëve të tjerë të Kosovës, të cilët qëndrojnë në Maqedoni.

Hashim Baftiari

Komedia “ Dashuria, teatri dhe marrëzi të tjera” me autor Salajdin Salihun dhe Refet Abazin, premiera të cilës u dha 06.04.1012 kënaqi dhe befasoi për të mirë publikun artdashës në Tetovë. Kjo komedi, solli në Tetovë një humor të natyrshëm dhe me sens të hollë qytetarie.

U pa qartë që, autori thyen rregullat e ngurta të teatrit tradicional, duke mos e trajtuar në mënyrë konsekuente linjën kryesore të syzheut të pjesës. Subjekti i komedisë është i thjeshtë: Protagonisti i komedisë, Suloja, një beqar një çikë i vonuar, bën një jetë prej një Robinson Kruzoje të shkretë e komik, edhe pse është tip i lidhur ngushtë me artin dhe jo vetëm me të.