Regjistrimi nëpër fakultete në bazë të suksesit nga shkolla mesme

SHKUP, 19 QERSHOR- Kandidatët që do të regjistrohen sivjet në Fakultetin Filologjik, Katedra e Gjuhës dhe Letërsisë Shqipe, Fakulteti Pedagogjik dhe Universiteti Shtetëror i Tetovës nuk do t’i nënshtrohen provimit pranues, ndërsa pranimi i tyre do të bëhet në bazë të suksesit nga shkolla e mesme.
Me këtë rast në ato drejtime ku do të ketë numër të madh të kandidatëve në disa fakultete do të formohen komisione për zgjedhjen e më të mirëve.
Shefi i Katedrës së Gjuhës dhe Letërsisë Shqipe, Nehas Sopaj nuk beson se në këtë katedër do të ketë numër të madh të studentëve me sukses të shkëlqyeshëm, e cila do të paraqiste nevojën për zgjedhjen e më të mirëve.


”Heqja e provimit pranues është jo e përshtatshme për studentët maqedonas që regjistrohen në katedrën e gjuhës shqipe për shkak se për ato është I nevojshëm një testim paraprak”, thotë shefi i Katedrës së Gjuhës dhe Letërsisë Shqipe, në Fakultetin Filologjik në Shkup, Nehas Sopaj.
Ndërkaq, edhe në Fakultetin Pedagogjik në Shkup, pranimi i studenëtve do të bëhet në bazë të suksesit të nxënësve të arritur nga shkolla e mesme.
Sipas dekanit të këtij fakulteti, Murat Murati në rast se do të ketë numër të madh të kandidatëve atëherë do të komisione që do të bëjnë zgjidhjen e më të mirëve. Ndwrsa si= u shpreh dekani Murati nw kwtw fakultet me anw tw komisioneve tw caktuara do tw bwhet edhe kontrollimi i aftwsive psiko-fizike tw kandidatwve.
Edhe në Universitetin Shtetëror të Tetovës, pranimi i kandidatëve do të bëhet në bazë të sukesit të shkollave të mesme. Sipas prorektorit për arsim në këtë universitet, suksesi i nxënësit nga shkollave e mesme është i mjaftueshëm dhe një bazë e mirë për t’u regjistruar në fakultet pa mos iu nënshtruar provimit pranues.
Ahmeti nuk e përjashton mundësinë për formimin e komisioneve që do të bëjë zgjedhjen e më të mirëve, në rast se do të ketë interesim të madh të kandidatëve për regjistrim, por kjo siç u shpreh ai do të varet prej situatës që do të krijohet gjatë pranimit të kandidatëve.

Nga: Daim MIFTARI