Studentet.info

Quhem Gëzim Halili më ndihmoni të më kthehet drita e syrit dhe ta shoh boten si Ju!

Sat, 30 Jan 2010 13:58:42 MST

Quhem Gëzim Halili më ndihmoni të më kthehet drita e syrit dhe ta shoh boten si Ju!

Fatkeqësisht trashëgova sëmundje të syrit si katarakti dhe strabizmi. Pas peripecive të shumta me mjekët në Maqedoni,prindërit e mij bien në kontakt me UNIVERSITATS KLINIKUM ne FREIBURG te Gjermanise. Për të përballuar shpenzimet e operacionit u kërkua ndihma e miqeve,po fati na ndihmoi shumë falë bujarisë së një pronari te nje banke në Kostanz. Në këtë bank punonte një familjare e tyre dhe fati e deshi që krejt shpenzimet e operacionit t`i marre persiper pronari i kesaj banke pasi u njoh me problemin e tim.

Operacioni i parë kaloi me shumë sukses por tani duhet t`i nënshtrohem operacionit të dytë

Operaciooni i parë ishte për kataraktin. Tani pason operacioni i dytë për strabizmin. Operacioni kushton 10 mijë euro nga të cilat prindërit e mij kanë mundur të sigurojnë vetëm 3 mijë euro. Pra bëhet fjalë që të sigurohen edhe 7 mijë euro.

Ju drejtohem me shpresën se do trokas në ndjenjën humaniste të çdokujt që të grumbullohen sa më shpejt këto mjete të nevojshme që të më kthehet drita e syrit dhe gëzimi fëmijëror.

KONKURS

Wed, 2 Dec 2009 08:38:07 MST

Me rastin e vitit të ri të kalendarit islam - HIXHRI, Forumi Rinor Islam shpall konkurs letrar me temë:

Familja e shëndoshë garanci e së ardhmes

Konkursi është i hapur prej ditës së publikimit në dy lëmi:
1. Poezi dhe
2. Prozë (tregim i shkurtër, ese apo pjesë skenike)

Komisioni për vlerësim do ti shpërblejë tre vendet e para nga secila lëmi edhe atë:
- Vendi i parë - 4000 denarë:
- Vendi i dytë 3000 denarë dhe
- Vendi i tretë 2000 denarë.

Ndahet nga jeta z. Vebi Velija, presidenti i televizionit "Alsat"

Sat, 16 May 2009 05:53:19 MST

Pas një sëmundje të rëndë, mbrëmë vonë në Shkup, ndërroi jetë në moshën 61-vjeçare zoti Vebi Velija, pronar i Korporatës Rajonale Ballkanike të Industrisë dhe Konsulencës VEVE Group dhe i rrjetit televiziv ALSAT në Maqedoni, Shqipëri dhe Kosovë, si edhe themelues dhe president i Institucionit Kulturor Fondacioni Velija. Përmes angazhimeve të tij në ekonomi dhe me pjesëmarrjen personale në trupat dhe forumet e shumta rajonale dhe ndërkombëtare ekonomike dhe politike, përmes sistemit të Televizionit Alsat dhe Fondacionit Velija për kulturë, 61-vjeçari Vebi Velija në vazhdimësi në dy dekadat që kaluan, kontribuoi për zhvillimin e lirisë, demokracisë dhe bashkëpunimit rajonal në të gjitha sferat në Ballkan.

Grupi VEVE, i themeluar nga zoti Velija, në fillim të viteve nëntëdhjetë, u bë njëra nga kompanitë më të mëdha për tërheqje të investimeve të huaja në Ballkan, sidomos në sektorët e energjetikës, industrisë ushqimore, turizmit, transportit, telekomunikacionit etj. Ceremonia e varimit zhvillohet sot në orën 15:00, në vendlindjen e tij, në fshatin Gradec të Gostivarit, në Republikën e Maqedonisë.

Vebi Velija lindi në vitin 1948, në fshatin Gradec të Gostivarit, në Maqedoni. Ai studioi për ekonomi, ndërsa e nisi biznesin e tij në Kroaci në vitin 1971. Më pas, në vitin 1981, ai i përqëndroi bizneset e tij edhe në Vienë të Austrisë. Ai ka qenë i pranishëm në Shqipëri që në vitin 1990, duke themeluar biznese në fushat e medias dhe telekomunikacionit, industrisë së duhan-cigareve, industrisë së përpunimit ushqimor, shërbimeve financiare, ndërtimtarisë, kërkimit të naftës dhe në sektorin e energjisë.

Zoti Vebi Velija ishte president i Veve Group, themelues i rrjetit televiziv ALSAT në Maqedoni, Shqipëri dhe Kosovë, dhe president i Institucionit Kulturor Fondacioni Velija. Ai ka qenë President i Bashkimit të Industrialistëve dhe Investitorëve të Shqipërisë. Velija themeloi Radiotelevizionin e parë Satelitor Shqiptar, rrjetin televiziv Alsat, i cili transmeton 24 orë programe në Shqipëri, Maqedoni, Kosovë, si dhe nëpërmjet satelitit në Evropë, Amerikë, Kanada e me gjere.

Televizioni Alsat u krijua fillimisht në Tiranë si ekrani i parë mbarëshqiptar. Më pas, ALSAT-M mori licensën e parë të një televizioni kombëtar në gjuhën shqipe në Maqedoni, ndërsa një vit më parë u mor edhe licensa e televizion Alsat në Kosovë.Alsat është televizioni që bashkoi të gjithë shqiptarët, ata në Shqipëri, Kosovë, Maqedoni, Malin e Zi, Preshevë si edhe në mbarë botën ku jetojnë.

Po ashtu, Zoti Vebi Velija ishte themelues dhe kryetar i Fondacionit Velija. Fondacioni u themelua më 13 korrik të vitit 1994 dhe ekziston si shprehje e bindjes së themeluesit të tij se një komb mund të mbijetojë me pak ushqim, por kurrë me pak kulturë.Fondacioni Velija është organizatë nacionale jofitimprurëse që funksionon përmes përkrahjes financiare të themeluesit të saj. Fondacioni Velija inicioi gjithashtu çmimin vjetor ndërkombëtar Kadare.

Zoti Velija është autor i librave të tillë si Quo Vadis Albania, një monografi mbi vizionin e programit për rimëkëmbjen ekonomike të Shqipërisë, apo Mes Ekonomisë dhe Politikës, një përmbledhje diskutimesh, fjalimesh dhe dorëshkrimesh. Mes të tjerash, Z.Velija ka qenë gjithashtu anëtar i Bordit Këshillimor të Biznesit në Paktin e Stabilitetit si edhe i Bordit Këshillimor të Biznesit në Iniciativën e Bashkëpunimit të Evropës Juglindore.

ALSAT

Ditë informative për programin ERASMUS

Tue, 10 Mar 2009 05:54:52 MST

Me datë 12 mars, në hotelin Stone Bridge në Shkup do të organizohet një Ditë informative për programin ERASMUS. Universiteti Shtetëror i Tetovës do të marrë pjesë në Pilot programin e Komisionit Evropian, në kuadër të programit ERASMUS. Universiteti ynë do të ofrojë transport prej USHT-së deri në hotel. Për studentët do të rezervohen 18 vende në autobus

Kliko më Shumë

Tempus projekti: Ndërmarrësia dhe Zhvillimi Ekonomik Lokal (ELED) në Shqipëri, Kosovë dhe Maqedoni

Tue, 3 Feb 2009 07:51:03 MST

Të zhvilloj kapacitetet e Universiteteve të vendeve partnere në mënyre që ti përmbushin në përgjithësi nevojat e (institucioneve shtetërore dhe sektorit privat) duke përmirësuar ndërlidhjet e tyre me tregun e punës dhe duke ofruar programe për promovimin e ndërmarrësisë.

Çmimi letrar SEREMBE / Edicioni i Pestë 2008

Fri, 24 Oct 2008 08:26:00 MST

Komisioni i Çmimit Letrar Serembe në bashkëpunim me Shoqatën e Shkrimtarëve Shqiptarë të Maqedonisë dhe Universitetin Shtetëror të Tetovës organizon ceremoninë e dhënies së Çmimit Letrar Serembe fituesve të edicionit të pestë 2008.

Ceremonia zhvillohet në sallën e Hotel Liraku në Tetovë, ditën e shtunë, datë 25 tetor 2008 në ora 19.00.

Ftohen të gjithë të interesuarit të marrin pjesë në ceremoninë e ndarjes së çmimeve.

NJOFTIM

Thu, 23 Oct 2008 11:47:50 MST

Lajmërohen të gjithë studentët e Universitetit FAMA në Mitrovicë se procesi mësimorë për vitin akademik 2008/2009 do të filloj ditën e shtunë më datë 01.11.2008 në objektin e ri

PCWorld në gjuhën Shqipe

Fri, 10 Oct 2008 14:17:53 MST

Doli në shitje revista për informatikë PCWorld në gjuhën Shqipe eksluzive në Maqedoni.

Në faqet e kësaj reviste të numrit të fundit mund të gjeni :
Si të rregullosh fotografitë online
Prince Of Persia

TEKNOKOMENT:
Të piratuar apo të liçensuar?

NJË HAP PARA:
iPhone dhe 3G nuk po japin atë që kishin premtuar
Filloi beteja për dhomën e ndenjes dixhitale
Internet Explorer 8 Beta 2: A mund të konkurrojë me Firefox?
Tingalin
Web 2.0 në ndihmë të politikës amerikane

NJOFTIM

Sun, 5 Oct 2008 06:53:17 MST

Njoftohen studentët e Universitetit Shtetëror të Tetovës dhe gjithë të interesuarit se me datë 06 tetor 2008 mbahet ceremoni me rastin e fillimit të vitit të ri akademik dhe me rastin e fillimit me punë për herë të parë të Fakultetit të Shkencave të Mjekësisë pranë USHT-së. Hapjen e ceremonisë do ta bëjë Rektori i USHT-së, prof. dr. Sadi Bexheti, ndërsa pjesëmarrës janë përfaqësues të Qeverisë së RM-së, ministrat e arsimit e shkencës dhe ai i kulturës, rektorë të më shumë universiteteve nga vendi dhe bota, përfaqësues të shumë shoqatave e organizatave etj.

Data: 06 tetor 2008
Ora: 11 h
Vendi: Hapësirat e Rektoratit të USHT-së

Jeni të mirëseardhur...

NJOFTIM

Sun, 5 Oct 2008 06:49:49 MST

Me :daten 06.10.2008

Ne :Fakulltetin Filioligjik Salla e Kuqe

Ora: 15:00

Ne emër te shoqatës studentore Societas Albania e cila përfaqëson dhe pasqyron identitetin e studentëve shqiptarë të cilët studiojnë ne Universitetet Austriake ju njoftojmë se me datën 06 tetor 2008 do te mbajmë një ditë informative me studentët te cilët dëshirojnë të vijojnë studimet ne universitetet Austriake .

Si sperfaqesues te Shoqatës se lartpërmendur kemi shprehur dëshirën dhe kemi bere organizimin e duhur qe te vizitojmë Republikën e Kosovës ne mënyre qe te njihemi nga afër me jetën studentore atje, ne te njëjtën kohë, do të zhvillojmë disa biseda dhe të japim ndihmësen tonë për ata studentë të cilët dëshirojnë që në një të ardhme te vazhdojnë studimet ne universitetet austriake.

Studentet.info

Quhem Gëzim Halili më ndihmoni të më kthehet drita e syrit dhe ta shoh boten si Ju!

KONKURS

Ndahet nga jeta z. Vebi Velija, presidenti i televizionit "Alsat"

Ditë informative për programin ERASMUS

Tempus projekti: Ndërmarrësia dhe Zhvillimi Ekonomik Lokal (ELED) në Shqipëri, Kosovë dhe Maqedoni

Çmimi letrar SEREMBE / Edicioni i Pestë 2008

NJOFTIM

PCWorld në gjuhën Shqipe

NJOFTIM

NJOFTIM

Çmimi letrar SEREMBE / Edicioni i Pestë 2008