Studentet.info

Në USHT u mbajt Akademi përkujtimore kushtuar dëshmorëve dhe martirëve të kombit

Wed, 24 Apr 2013 05:01:55 MST

Në Universitetin Shtetëror të Tetovës, para familjeve të dëshmorëve, studentëve, stafit akademik dhe pjesëmarrësve të tjerë, u mbajt Akademi përkujtimore kushtuar dëshmorëve dhe martirëve të kombit: Naser Veliut, Nurie Zekës, Mujdin Aliut dhe Xhemajl Fetaut.

Në fjalën e tij, para auditorit, Rektori i USHT-së, Prof. dr.Vullnet Ameti theksoi se historia jonë e lavdishme gjatë shekujve ka dëshmuar se kombet që nuk pajtohen me asimilimin dhe robërinë për lirinë e tyre sakrifikojnë gjithçka.

Të diplomuar bredhin rrugëve

Tue, 23 Apr 2013 10:24:28 MST

Aktivistët e Klubit Politik të Studentëve, nëpërmjet një aksioni simbolik, të zhvilluar të martën para Qeverisë së Republikës së Kosovës, kanë shfaqur problemet ekzistenciale të studentëve dhe të të gjithë rinisë kosovare. Ata me diploma në duar kanë protestuar, duke i bërë me dije institucioneve shtetërore se mijëra studentë të diplomuar vazhdojnë të bredhin rrugëve.

Ndërroi jetë ish rektori I USHT-së Fadil Sulejmani

Mon, 11 Feb 2013 02:53:44 MST

Të dielën në orët e vona në moshën 73 vjeçare ka ndërruar jetë ish rektori I USHT-së Fadil Sulejmani.
Në ora 12:00 në pallatin e kulturës në Tetovë do të bëhen homazhe, ndërsa në orën 15:00 ( pas namazit të Iqindisë) do të bëhet varrimi.
Fadil Sulejamni ishte rektori i parë në Universitetin e Tetovës.

Semestri i dytë filloi në objektin e ri universitar në USHT

Mon, 4 Feb 2013 09:10:46 MST

Në Universitetin Shtetëror të Tetovës sot filloi semestri veror për vitin akademik 2012/2013. Për studentët e Fakultetit Juridik, Ekonomik, Filozofik dhe atij Filologjik, semestri filloi në ndërtesën e re universitare.

Rektori i USHT-së, Prof. Dr. Vullnet Ameti, duke folur për rëndësinë e ditës së sotme theksoi se kjo ditë për Universitetin Shtetëror të Tetovës, paraqet një nga momentet më të rëndësishme në historikun e funksionimit të tij, gati njëzet vjeçar.

Ish-rektori Muja regjistroi kundërligjshëm 16 kandidatë në doktoraturë

Thu, 24 Jan 2013 04:14:13 MST

Prishtinë, 23 janar - Mujë Rugova vetëm katër ditë para se ta përfundonte mandatin trevjeçar si rektor i Universitetit të Prishtinës ka nxjerrë dy vendime, sipas të cilave të drejtën e regjistrimit të doktoratës në Fakultetin Juridik e kanë fituar 16 kandidatë, nëntë prej tyre me vendimin 2/617, të datës 26 shtator dhe shtatë me vendimin 2/66 të datës 28 shtator 2012. Zyrtarët e UP-së e pranojnë se vendimet e Rugovës janë të kundërligjshme, porse nuk mund të riparohen.

Ndahet nga jeta Agron Reka ish rektor i USHT-së

Tue, 22 Jan 2013 05:45:27 MST

Gostivar, 22 janar Të hënën në orët e pasditës, në moshën 60 vjeçare ka dhënë frymën e fundit ish rektori i Universitetit Shtetëror të Tetovës (USHT), Agron Reka.

Për 37 vite me radhë, Reka punoi në arsim. Ishte viti 1975 kur filloi punën si profesor i lëndës së Kimisë në Gjimnazin e Gostivarit. Aty punoi për 29 vite me radhë, duke përcjellë dhjetëra gjenerata nxënësish. Ndërkohë, nga themelimi i Universitetit të Tetovës (UT), u bë pjesë e trupit akademik të këtij universiteti. Aty shërbehu deri disa mauj para vdekjes. Nga viti 2009, Reka u emërua ushtrues detyre rektor në Universitetit Shtetëror të Tetovës, kurse nga viti 2010 deri në qershor të vitit 2012 ushtroi postin e rektorit.

Studentët, mërgimtarët e 'tokës së premtuar'

Sat, 5 Jan 2013 08:43:43 MST

Rreth dymijë studentë nga Maqedonia për çdo vit përmes programit Puno dhe udhëto (Work and travel), udhëtojnë për në Shtetet e Bashkuara të Amerikës. Në Maqedoni ekzistojnë shumë agjenci të cilat realizojnë këtë program nën patronazhin

e të cilave të rijnë i bëjnë hapat e parë në botën e madhe, thuhet në një analizë të Agjencisë Informative të Maqedonisë. Thuajse nuk ekziston njeri në Maqedoni, i cili nuk njeh të paktën një student, të birin ose të bijën e ndokujt, që ka qenë ose sërish dëshiron të shkojë në Amerikë. Rrallëkush nga këta të rinj që shkojnë në Amerikë përmes programit Puno dhe udhëto vendosin të mbeten atje dhe të mos kthehen më dhe prandaj thuajse secili që ka shkuar atje një herë, dëshiron ta përsërisë një gjë të tillë të paktën edhe një herë.

Sadi Bexheti: Transparenca, kryeprioriteti i mandatit të parë

Wed, 2 Jan 2013 07:57:35 MST

Kryetari i Komunës së Tetovës, Sadi Bexheti, ndjehet i kënaqur me punën e tij katërvjeçare, por thotë se vlerësimi u takon sërish qytetarëve të kësaj komune. Në intervistën për Zhurnal Plus, z. Bexheti flet për të arriturat dhe problemet përgjatë katër viteve,

ndërsa ankohet se pushteti qendror diskriminon këtë komunë dhe jo vetëm. I pari i Tetovës, është zotuar ndërkaq se do të zgjidhë përfundimisht në vitin që vijon, problemin e ujit të ujësjellësit dhe të mbeturinave.

UEJL, Parlamenti Studentor prezanton programin e vet para studentëve

Thu, 20 Dec 2012 03:29:40 MST

Në Universitetin e Evropës Juglindore në praninë e udhëheqësve të këtij univerziteti, profesorëve dhe një numri të madh të studentëve është promovuar Parlamenti Studentor dhe parlamentarët të cilët janë zgjedhur si pjesë e këtij organi të UEJL-së.

Para të pranishmëve kanë folur rektori i UEJL-së, z.Zamir Dika, onduspersoni Valdeta Pajaziti, dhe kryetari i Parlamentit Studentor, Ilir Rexha.

Kryetari i Parlamentit Studentor, Ilir Rexha foli para të pranishmëve duke thënë se ky organ do t'i përfaqësoj interesat studentor, njëherit do të jetë edhe udhërëfyes për gjeneratat që vijnë pas. "është një privilegj i madh për mua që të jem në krye të Parlamentit Studentor, por njëkohësishtë eshtë një përgjegjësi e madhe. Jam koshient për përgjegjësitë që kam por do të jap maksimumin tim për t'ia dalë në të gjitha sfidat", deklaroi Ilir Rexha para të pranishmëve.

Përurohet konservimi i fasadës së jashtme të Xhamisë së Larme

Mon, 10 Dec 2012 07:56:37 MST

Nëpërmjet një ceremonie solemne, të hënën, është shënuar përfundimi i punimeve për konservimin e fasadës së jashtme të Xhamisë së Larme në Tetovë. Projekti është financuar nga ambasada e SHBA-ve në Shkup, nga një grand që sigurohet përmes Fondit të ambasadorit për mbrojtje të kulturës, program i financuar nga Departamenti i shtetit i SHBA-ve.