Njoftohen të gjithë studentët e Fakultetit të Komunikimeve Masive dhe Gazetarisë, se të hënën më 12 prill 2008, në orën 12.00, në Amfiteatrin nr.1, do të mbahet një ligjeratë rasti nga publicisti shqiptar, Mentor Nazarko, i diplomuar në shkencat politike dhe drejtësi. Aktualisht është redaktor në televizionin “Top Channel”.
Kohëve të fundit është botuar libri i tij i parë “Lufta e fundit, prona e shqiptarëve në Greqi”.

Ligjërata me temën: “Zhvillimet aktuale në mediat shqiptare, Reality Shows”, do të jetë e hapur për pyetje dhe diskutime.


Ftoheni të merrni pjesë!

TETOVË, 7 MAJ - Studentët dhe profesorët e Artitit Figurativ në USHT kanë realizuar projektin humanitar “Për fëmijë më të lumtur” nga programi studimor në bashkëpunim me Kryqin e Kuq – Tetovë.
Studentët do të krijojnë mbi 100 punimeve artistike – piktura me motive për fëmijë duke u ndihmuar fëmijëve me theks të veçantë atyre të hendikepuarëve dhe duke shënuar ditën ndërkombëtare të tyre.
Sekretari i Kryqit të Kuq, z. Qatip Besimi u shpreh mirënjohës për bashkëpunimin me Universitetin Shtetëror të Tetovës. “Kjo është hera e dytë që USHT-ja i përgjigjet pozitivisht kërkesës sonë për një organizim të tillë. Vërejmë se studentët dhe profesorët me kënaqësi punojnë këto vepra arti dedikuar fëmijëve. Pjesa më e madhe e punimeve do të vendosen në Qendrën Klinike të Tetovës, në repartin për fëmijë, ndërsa pjesa tjetër do të shfrytëzohet për projekte tjera për fëmijë.”- u shpreh z. Besimi.

TETOVË, 6 MAJ - Universiteti Shtetëror i Tetovës nga dita e hënë, përmes "Ditëve të hapura të USHT-së", po bën promovimin e fakulteteve, programeve studimore sikurse edhe kapaciteteve. Promovimi, që do të zgjasë deri më 9 maj, realizohet në Rektoratin e USHT-së, dhe u dedikohet studentëve të rinj për vitin akademik 2008/2009.
Qufli Osmani, përgjegjës për mësim dhe politikë regjistruese në USHT, thotë se "Ditët e Hapura" kanë për qëllim që prindërit dhe maturantët të informohen me atë se që e ofron USHT-ja. "D të promovohen programet dhe konkursi i ri për studime deridiplomike dhe pasdiplomike. Këtë e bëjmë me qëllim të informimit më të afërt, pasi që për një gjë të tillë kanë nevojë edhe maturantët, por edhe prindërit kanë nevojë për një gjë të tillë", tha Osmani.

PRISHTINË, 6 MAJ – Ministri i Arsimit, Enver Hoxhaj, konfirmoi të martën se ka filluar procesi për lehtësimin e vizave për kategoritë e veçanta të qytetarëve të Kosovës, veçanërisht për studentët dhe stafin akademik të Universitetit të Prishtinës. Këto komente, Hoxhaj i bëri pas një takimi me shefin e Zyrës ndërlidhëse të Komisionit Evropian në Prishtinë, Renzo Daviddi.

“Të gjitha pjesët e Ballkanit janë pjesë e procesit të lehtësimit të vizave, ndërsa Kosova deri më tani nuk është pjesë e kësaj dhe ne sot së bashku me Renzo Daviddi-n u dakorduam që të fillojmë këtë proces”, tha ai.
Sipas Hoxhajt, procesi i lehtësimit të vizave do të fillojë me studentët dhe profesorët e UP-së, për të cilët, MASHT është i interesuar që të kenë një mobilitet akademik më të mirë.
Ai tha se një shkresë e tillë do t’i dërgohet të gjitha shteteve anëtare të Bashkimit Evropian. Ndërkaq, Hoxhaj shtoi se MASHT-i do të merr për obligim që secili student që do të merr vizë të kthehet në Kosovë.

TETOVË, 5 maj - Universiteti Shtetëror i Tetovës nga e hëna deri të premten, respektivisht nga data 5 deri 9 maj do të promovojë "Ditët e hapura të USHT-së". Promovimi, që do të bëhet në Rektoratin e USHT-së, u dedikohet studentëve të rinj për vitin akademik 2008/2009. Ndërkohë, më 7 maj në orën 19:00, në Sheshin e Tetovës, Unioni i Studentëve të USHT-së organizon koncert enkas për maturantët, në suaza të "Ditëve të hapura". Ndryshe, në USHT ditë më parë u bë prezantimi i konkursit për regjistrimin e studentëve të rinj për vitin akademik 2008/2009 në 80 programe studimore, përfshirë edhe Fakultetin e shkencave të mjekësisë.

Nga: Urim HASIPI

SHKUP, 5 MAJ - Qeveria e Maqedonisë përmes Sekretariatit për Eurointegrime, për të gjashtën herë me radhë, ka hapur konkursin për shpërndarjen e bursa për studime pasdiplomike në sferën e Bashkimit Evropian, respektivisht të drejtës evropiane, ekonomi, politika e BE-së, apo studime multiplicitare për BE-në në universitetet e huaja për vitin akademik 2008/09. Konkursi i hapur muajin e kaluar do të zgjasë deri më 19 maj të vitit 2008, ndërkohë që të drejtë konkurrimi kanë të gjithë të diplomuarit, të cilët kanë diplomuar në universitetet e vendit dhe të cilët studimet e tyre pasdiplomike i kanë regjistruar për të parën herë.

Përpara se Michael Kearney të lindej, doktorët paralajmëruan prindërit se fëmija I tyre mund të kishte probleme me të mësuarën. Por ai u vërtetoi atyre të kundërtën absolute.

Që kur ai ishte 4 muajsh, ai arrinte të thoshte fjali të plota si:

"Çfarë ka për darkë mami?".

Kur ai ishte vetëm 10 muajsh, ai mund të lexonte.

Duke studiuar në shtëpi me prindërit, ai arriti që në moshën 5- vjeçare të hynte në shkollën e mesme, duke dhënë provimet dhe marrë katër nivele shkollore brenda vitit.

Laura PAPRANIKU

Në Maqedoni është e pa mundur që të fillojë një projekt i rëndësisë së veçantë për shqiptarët dhe të mos realizohen disa të tillë për maqedonasit, pavarësisht se sa e larët mund të ketë qenë shkalla e mungesës, në rastin e parë dhe e jo mungesës në rastin e dytë. Institucionet analoge të maqedonasve, i kanë ndjekur si hije të gjitha nismat dhe projektet për ndërtimin e institucioneve, aq të munguara në pjesën perëndimore të Maqedonisë. Ende pa u legalizuar si duhet Universiteti Shtetëror i Tetovës, në Shtip u themelua një universitet tjetër shtetëror edhe pse maqedonasit i kishin dy universitete shtetërore.

Më 22 dhe 23 Maj 2008, në ambientet e Universitetit AAB, do të zhvillojë punimet Konferenca ndërkombëtare e urbanizmit „Prishtina, Metropol ose...“

Pjesëmarrës në konferencë janë profesionist të njohur botëror të urbanizmit, përfshirë këtu edhe prof. Nikos Salingaros nga Universiteti i San Antonios, Hjuston, Texas, SHBA.

Vendi i zhvillimit të projektit:
Universiteti AAB, Prishtinë, Kosovë
Adresa: Zona Industriale pn, Prishtinë, Kosovë

PRISHTINË, 28 PRILL — Zyrtarët e Këshillit Britanik për Akreditim, të cilët do të zhvillojnë këtë proces, do të kenë vetëm një ditë në dispozicion, për të hulumtuar përparësitë dhe mangësitë e një universiteti.
Për ministrin e Arsimit Shkencës dhe Teknologjisë, Enver Hoxhaj, kjo kohë është e mjaftueshme.
Pas takimit me Stephen Vickersin, shef ekzekutiv i Këshillit Britanik për Akreditim, ministri Hoxhaj ka ftuar të gjitha institucionet private të arsimit të lartë që të aplikojnë për ripërtëritje të licencës më së largu deri më 16 maj 2008.
Ato që nuk do të aplikojnë, do të mbesin pa licencë dhe mund të mbyllen. Kjo vlen edhe për universitetet, të cilat kanë licensë përtej vitit 2008.