Intervistë ekskluzive me Ledion Bidulin,volejbollist i Kombëtares së Shqipërisë për të rinjtë,që aktualisht mbron ngjyrat e skuadrës ‘’Shkëndija” të Tetovës

I ri, i talentuar, shpresa e kombëtares së Shqipërisë…tani edhe shpresa e K.V Shkëndija në rrugën drejt titullit kampion të Maqedonisë….

Intervistoi: Funda Ibraimi-Shqipmedia

Shqipmedia-Ledion kur i hodhe hapat e para në volejboll dhe cila ishte skuadra yte nismëtare?

- Hapat e para i hodha në moshën 14 vjeçare dhe skuadra nismëtare ishte tek të rinjtë e Teutës.

Shqipmedia-Cili ishte motivi yt për këtë sport dhe pse zgjodhe pikërisht volejbollin në mesin e shumë sporteve tjera?

-Motivi për të qenë i sukseshëm, zgjodha volejbollin se isha në futboll dhe në basket para se të vazhdoja volejbollin po smë ngrohnin me larminë që të paraqet loja dhe e provova dhe në volejboll.

Shqipmedia-Ti je pjesë e Kombëtares së Shqipërise , çka mund të na flasësh pak për Reprezentacionin e Shqipërisë dhe si është ndjenja që të jesh i përzgjedhur pikërisht ti në mesin e shumë volejbollistëve të rinj shqiptarë?

-Kam 5 vite radhazi që luaj për ngjyrat e Shqipërisë nëpër turne të ndryshëm që janë zhvilluar,ndjenja është shumë e madhe dhe e bukur midis shum lojtarëve në tërë Shqipërinë unë isha pjesë dhe jam pjesë e atij grupi që luajtëm denjësisht dhe do të vazhdojmë të luajmë.

Shqipmedia-Aktualisht je pjesë e K.V ‘’Shkëndija’’, si u prite nga ana e bashkëlojtarëve dhe stafit të klubit?

-Kam ngelur i habitur nga ngrohtësia që të përcillte klubi dhe i tërë stafi.

Shqimedia-Sipas teje Ledion cilat janë sekretet të qenurit një volejbollist i suksesshëm?

-Punë me kokën ulur dhe fat.

Shqipmedia-Cilat janë pështypjet e tua të para nga qyteti i Tetovës,çka te pëlqen më tepër në këtë qytet ?

-Qytet tipiko shqiptar por politika dhe fati nuk donte që Tetova të ishte pjesë e hartës Shqipëri Etnike.

Shqimedia-Veç karrierës së volejbollit me çka merret Ledioni në jetën e përditshme?

-Studioj në Universitetin e Sporteve part time në Tiranë dhe agjent shitjesh në kompani sigurimi.

Shqipmedia-Cilat janë planet tua për të ardhmen,a mendon që në të ardhmen të jeshë pjesë e ndonjë klubi evropian e pse jo botëror?

-Planet janë që me punë dhe seriozitet arrihet gjithçka.

Shqipmedia-Cili do të ishte mesazhi yt për rininë shqiptare?

-Sporti jep vetëm benifite dhe kënaqësi