Rita po vjen, Rita po vjen

Ooo bre kuku, ooooooooo kuku bre kur t'me pezmaton lukthi ni dite mazi vec nje e kam


CKA PO DONI JU MA SHUME SE SIMBOLI I SHQIPONJES QITU?

CKA PO DONI MA SHUME SE KISHEN EDHE XHAMINE?



Qito jane simbole te shqiptareve kur i perdore BASHKE. Apo tash doni me kallxu te Rita ketu me u ba hore qe s'keni lidhje me historine e shqiptareve.

Po plasni, po plasni. Ishalla pshtoni vec.

Po de po shqiptar jan Koktel se keq ti jo mir e ke pas disa vitesh s`ka me pas shans me i permbledh gjitha simbolet mbrenda nje klipi 4 minutesh .

Ha ha ha.. Packs, asnjehere nuk kemi pas probleme per imazhin e shqiptareve me individ nga mesi i kombit ose qe rrjedhin nga ky komb, nese e ke fjalen ne kete aspekt te reklames, marketingut, imixhit, por si grup-bashkesi apo popullkomb ne shume raste kemi pasur dhe vazhdojme te kemi probleme.
Tani nese ti mendon qe kjo mund te dergoj poena per popullinkomb-shqiptaret ne kete rast, nuk mendoj qe e ke gabim por qe une nuk pajtohem, sepse edhe nese kemi ndonje benefit eshte shume i vogel krahasuar me imazhin qe vete shteti mund ta rregulloj me nje mireqeverisje bie fjala e vecmas me nje zhvillim ekonomik te mirefillet.
Po besoj e ''kapirat edhe ti nese vec ja vnon pak gishtin kokes''

Hajt bre se me rendesi eshte qe dem nuk ka be send, nese del najsend mire, nese jo jena msu qeshtu

Diamanti i Ritës






Nga Ardian Jasiqi | 29 Tetor 2012 12:14

Këngëtarja Rita Ora zgjodhi ditën e shtunë për të promovuar klipin e saj “Shine Ya Light”, i cili klip nga e hëna pritet të bëjë xhirot nëpër të gjitha televizionet muzikore të botës. Mediat botërore e kanë komentuar klipin duke thënë se është një klip patriotik, kosovarët janë ndier krenarë me Ritën, kurse serbët kanë nisur vajtimin.


Ishte thënë se do të promovohet në muajin nëntor. Mandej u tha se “Shine Ya Light” pritet që të lansohet në janar, por parashikimet e askujt nuk dolën të sakta.

Ylli kosovarë solli videoklipin e hitit të saj “Shine Ya Light” këtë të shtunë duke befasuar të gjithë, ndërkaq e tëra fillon me një fëmijë i cili thotë fjalët: “Rita po vjen, Rita po vjen”.

Kështu edhe vazhdon klipi me skenën e dytë, që është flamuri i Kosovës i vendosur te rrethi në hyrje të Prishtinës për të vazhduar me pritjen e Ritës nga të rinjtë e Kosovës në “Zone Club”.

Mandej, gjithçka vazhdon me skenat në qytetin e vjetër, pritjet e fëmijëve deri të pjesa e fundit kur Rita vallëzon bashkë më të rinjtë e Kosovës duke bërë shqiponjën dykrenore.

Po në këtë spot të Ritës kontribuuan të gjithë prishtinasit, përderisa nuk duhet harruar edhe kontributin që dha Policia e Kosovës.

Rita e dëshmoi edhe me vepër dashurinë e saj që ka për Kosovën, duke mos i harruar premtimet e saj kur kishte thënë se në mundësinë e parë do të bënte një videoklip në Prishtinë.

Madje, Orës i mbetet për të realizuar edhe premtimin e saj të dytë, koncertin në Prishtinë, për të cilin ka thënë se do të jetë një koncert bamirësie.

Për videoklipin “Shine Ya Light” nuk kanë munguar edhe mendimet e ndryshme të zyrtarëve qeveritarë të Kosovës.

Ministri i Kulturës, Memli Krasniqi, ka shprehur publikisht në Twitter kënaqësinë e tij për punën që ka bërë Rita.

“Ylli më i ndritshëm i Kosovës, Rita Ora, përfaqëson Kosovën me klipin e saj më të ri “Shine Ya Light”. Jam krenar që kam qenë pjesë e kësaj”, ka komentuar ministri Krasniqi, i cili vazhdimisht ka qenë në kontakt me të gjithë autoritetet e duhura që Ritës t’i jepet hapësira e nevojshme për punë.

Një tjetër zyrtar i Qeverisë së Kosovës, kësaj radhe zëvendës/ministri i Ministrisë së Jashtme, Petrit Selimi në një koment për Express e ka vlerësuar me notat më të larta këtë video. Madje ai ka bërë edhe një analizë të videos së saj.

“S’ke se si t’i ikësh një leximi të thellë të një spoti në MTV për të analizuar më thellë të gjitha të mirat dhe këqijat e peizazhit të sotëm politik në tërë Kosovën. Me gjithë faktin se çdo pore e jetës është mbushur me politikë dhe referimi në Rita Orën është metoda më klisheistike e spirancimit të një shkrimi politik në famën e një personi të shumë përmendur, spoti më i ri e prishtinalikes më të famshme është aq i mbushur me simbole dhe imazhe simbolike sa që është e pamundur të injorohet”, ka shkruar Selimi.

Sipas tij, video “është si video-magnet i vërtetë për interpretime dhe debate politike dhe do të krijojë bujë të madhe në më shumë se një nivel të antagonizmave shqiptare dhe rajonale dhe në më shumë portale të interaksionit shoqëror se në Youtube”.

“’Ne nuk dorëzohemi derisa të na dojë qejfi / E shohim fundin dhe kurrë nuk lodhemi / Ne jemi fitues sepse e mbajmë titullin e botës / Ne filluam ngadalë, por ju fituam në finale’”, përkthen disa vargje të këngës Selimi.

“Thirrje më adekuate që përshkruan ndjenjat e shumë shqiptarëve karshi serbëve nuk ka. Lehtë është të keqkuptohet se porosia e zonjushës Ora është pasqyrim brutalisht i drejtpërdrejtë me diskursin momental të kundërshtimit në mes Kosovës dhe Serbisë. Me siguri shumë nacionalistë serbë e shqiptarë do të stërlexojmë nga prizmi etnik tekstin e sendit “Shine your light”, shkruan Selimi.

Serbët: Kosova s’ka histori

Më t’u publikuar në youtube.com dhe në disa faqe të tjera video e Ritës, qindra serbë kanë vërshuar këto portale duke komentuar dhe thënë se Kosova nuk ka histori. “Kosova nuk ka histori dhe historinë e saj e kanë shpikur amerikanët sepse Amerika dëshiron të shkatërrojë gjithçka sikurse edhe historinë tonë. Ata nuk e lexojnë historinë e Serbisë”, ka thënë një komentues me Justdontstopmenow. Komentet e serbëve kanë vazhduar edhe nëpër rrjetet e ndryshme sociale, por ka pasur edhe komente pozitive në të përditshmen Blic, ku Rita është vlerësuar për zërin dhe klipin e saj.

Rita patriotike

Për mediat ndërkombëtare, Rita më këtë video ka treguar vendlindjen e saj dhe çdo këngëtarë ka të drejtë të tregojë pjesën e që i takon. Ueb-faqja për muzikë D1 ka shkruar se Rita ka bërë një këngë për atdheun e saj. “Ajo duket patriotike për vendlindjen e saj Prishtinën dhe Kosovën. Pikërisht videoklipi Kosova është video që ajo do ta prezantojë për top lista në tërë botën për albumin e saj debutues Ora”, shkruan kjo ueb-faqe.

Rita eshte krenaria Shqiptare,ka bere nje pune te shkelqyeshem e te pakrahasueshem dhe me kete videoinxhizim mund te themi se ky vit eshte vit i Kosoves dhe vit i Shqiptareve......

Hape në YouTube 

http://www.youtube.com/watch?feature=playe...d&v=u9yXei7Wr7I

Hape në YouTube 

http://www.youtube.com/watch?v=V28lgIQjLfE...player_embedded

....http://www.youtube.com/watch?v=V28lgIQjLfE&feature=player_embedded

Ky postim është ndryshuar nga FLAMUR_07 në 12.11.2012, 23:45

Falë Ritës, ‘shqiponja dy krenare’ në MTV

/InfoGLOBI/2012 11 13 - 14:28:44

Se performanca e Rita Orës në MTV EMA ishte më e mira nga të gjitha kjo tashmë veç se dihet nga të gjithë.

Por që ‘shqiponja dy krenare’ valoi edhe në MTV EMA, këtë e pamë në një xhirim amator të publikuar në Youtube.
Këtë gjë shihet duke e bërë një fansë i Ritës gjatë kohës kur Rita po këndonte këngën R.I.P.
Se Rita e do shqiponjën këtë gjë me siguri personi e ka mësuar në klipin “Shine ya Light” ku Ora bashkë me fansat e saj në Prishtinë, kishte bërë shqiponjën dhe pikërisht ajo pjesë shihet në klip. /InfoGLOBI/F.H/

Hape në YouTube 

http://www.youtube.com/watch?v=gO_xFpwVEao...player_embedded