Pse mediat shqipe injorohen nga shteti?

Shoqata e Gazetarëve Shqiptarë në Maqedoni (SHGSHM) reagon ndaj praktikës së instaluar, e cila një kohë të gjatë është bërë edhe shprehi e bartësve të funksioneve publike në shtet, siç janë kryetar i shtetit, kryeministritër, ministra dhe të tjerë, që në përbërjen e delegacioneve të tyre gjatë udhëtimeve jashtë shtetit të mos ftojnë edhe gazetarë të mediave në gjuhën shqipe.

Në SHMGSH janë të befasuar, andaj faktorët shtetëror i pyesin dhe kërkojnë nga ata përgjigje se pse gazetarët shqiptarë nuk mund të jenë pjesë e udhëtimeve të tyre jashtë shtetit?


Për shoqatën e Gazetarëve Shqiptarë në Maqedoni arsyetimi i dhënë nga kabinetet e këtyre faktorëve se për këtë çështje mungojnë mjete financiare nuk është i bindëshëm dhe është joserioz

Andaj, Shoqata pyet se nëse institucionet shetërore kanë rënë në këtë gjendje financiare dhe nuk mund t’i mbulojnë as shpenzimet simbolike për qëndrimin jashtë shtetit edhe për një dy apo tre gazetarë shqiptarë, atëherë çka mbetet me kryerjen e autorizimeve publike të cilat i kanë funksionarët shetërorë të përcaktuara me kushtetutë dhe ligj.

Shoqata në fjalë i përkujton faktorët shetërorë se ftesa edhe e gazetarëve të mediave në gjuhën shqipe do të ishte më e dobishme dhe më e lavdërishme ekonmikisht për ta, pasi që ata mund të informojnë në dy gjuhet zyrtare në shtet si edhe në gjuhën angleze si mjet komunikimi nëpër instuticionet ndërkombëtare.

Këtë Reagim të Shoqatës së Gazetarëve Shqiptarë në Maqedoni e lëshon në vend të informatës për visitën e kryetarit të shtetit Branko Cërvenkovskit në Turqi