Pagesë e bursave të nxënësve dhe studentëve

SHKUP, 26 MARS- Pagesa e 3.782 bursave dhe kredi të reja për nxënës dhe studentë do të fillojë nga kjo javë.

Qeveria në seancën e fundit qeveritare e miratoi programin për standard të nxënësve dhe studentëve me të cilin janë paraparë 500 bursa të reja të nxënësve, 1.633 bursa studentore.

Prej kësaj jave fillon edhe pagesa e 1.560 kredive studentore, 14 bursave për fëmijë me nevoja të posaçme dhe fëmijë pa prindër, 13 bursa për fëmijë të ushtarëve të vrarë maqedonas, 10 bursa për romë, 45 bursa qeveritare studentore dhe 7 bursa studentore për fëmijët e ushtarëve të vrarë maqedonas.


Bursat studentore kapin vlerën prej 3.300 denarëve, kreditë 2.300 denarë, përderisa bursat e nxënësve arrijnë në 2.000 denarë.

Numri i përgjithshëm i shfrytëzuesve të vjetër të bursave dhe kredive të nxënësve dhe studentëve është 6.656 studentë dhe nxënës.