SHKUP, 7 SHKURT– Rektori aktual i Universitetit Shtetëror të Tetovës (USHT), Sadi Bexheti, ka fituar “betejën e më të suksesshmit”, në një sondazh elektronik të realizuar të ueb faqen “studentet.info”.

Sipas rezultateve të këtij sondazhi, i cili ka përfunduar mesditën e së mërkurës, rektori Bexheti, ka marrë 43 për qind të votave. Në pyetjen se “Cili rektor e ktheu USHT-në në institucion të mirëfilltë arsimor”, për Bexhetin është klikuar 433 herë, për rektorin e parë të UT-së, Fadil Sulejmanin 166 herë, për Nexhbedin Beadinin 61 herë, kurse për Remzi Nesimin 46 herë.

Të tre këta bashkë kanë marrë gjysmën e votave të Bexhetit, pra 223 vota, që në përqindje i bie të kenë marrë 16 për qind (Sueljmani) 6 për qind (Beadini) dhe 4 për qind (Nesimi). Relativisht i lartë është numri i atyre që vanë votuar “asnjërin”. Pra, për këtë mundësi votimi, është klikuar 294 herë. Në totalin e votave, kjo përbën 29 për qind dhe paraqet përgjigjen e dytë me më tepër vota të sondazhit.

Edhe te hapësira për “asnjërin” është votuara më tepër se sa për Sulejmanin, Beadinin dhe Nesimin, bashkë. Madje, në debatin që “studentet.info” ka hapur enkas me këtë sondazh vetëm te kategoria e atyre që kanë votuar për “asnjërin” mund të gjenden forumistë, të cilët deklarohen dhe debatojnë me emrin dhe mbiemrin e tyre të vërtetë. Një votë thuhet se është e barasvlershme me një votues.

Nga: Laura PAPRANIKU