STRUGË, 9 QERSHOR - Universiteti prestigjioz mbretëror i Uellsit i themeluar para 115 vitesh, përmes EuroKolegjit të Strugës po hyn në Arsimin e Lartë në Maqedoni.

Ky universitet është i interesuar për studimet e administrimit të biznesit dhe ato pas diplomike.

Sipas njerëzve të parë të Universitetit të Uellsit, Maqedonisë si një vend me ardhmëri me perspektivë i nevojitet kuadër i ri informatikës dhe besojnë se mundësitë për studime që tani ua ofron vendi maksimalisht do të shfrytëzohen.

“Shpresoj se në kolegj do të pranohen njerëz të komuniteti vendor të cilët këtu do të arsimohen dhe këto do të qëndrojnë. Po qe se vendosim marrëdhënie të bashkëpunimit atëherë edukimi do të vazhdojë edhe në Universitetin e Uellsit....", tha Fion Morgan nga Universiteti i Uellsit.

Nga EuroKolegji i Strugës thonë se ky është një moment historik për Maqedoninë. Shpresojnë se bashkëpunimi me universitetin e Uellsit do të thellohet përmes hapjes të disa fakulteteve të tjera.

"Shpresojmë se do të jetë një sukses i madh për studentët tanë këtu në Republikën e Maqedonisë që të fitojnë diploma britanike, diploma të njohura ndërkombëtare. Planet tona së bashku me partnerët e Uellsit janë që të zgjerohemi drejt Shkupit, Prishtinës dhe Tiranës”, deklaroi Armend Kadrioski, drejtor i EuroKolegjit.

Në kuadër të Universitetit të Uellsit funksionojnë gjithsej 18 fakultete.



Miki Trajkovski