STUDENTËT E UNIVERSITETIT TË PRISHTINËS ENDE PA BURSA

PRISHTINË, 30 MARS- Mosmarrëveshjet në mes të MASHT-it dhe UP-së janë duke u reflektuar drejtpërdrejt edhe tek studentët. Që nga data 20 shkurt e deri me sot studentët janë në pritje të marrjes së bursave, që u ka borgj UP-ja. Kjo vonesë ka lënë hapësirë për spekulime lidhur me shumen e mjeteve që universiteti apo MASHT-i do tu ndajë studentëve. Por këtyre të fundit nuk u intereson edhe aq shuma që do të marrin por ata pyesin se kurë mund ta kenë hisen që u takon nga universiteti?

Studentëve të cilët kan treguar rezultate të mira në studimi gjatë vitit akademik, Universiteti i Prishtinës çdo vit u ndanë një shumë të mjeteve financiare, burimi i të cilave janë të hyrat vetanake të studentëve. Por në këtë vit është duke u zvarritur mjaft dhënja e këtyre mjeteve. Edhe pse studentët kanë aplikuar me kohë për to duke i përmbushur të gjitha kushtet, si noten mesatare, asnjë vit të humbur akademik dhe parakushte të tjera të vëna nga UP-ja, ata ende nuk i dinë arsyet e voneses së mosdhënies së bursave.
Por marrëdhëniet shumë të brishura që ka MASHT-i dhe rektorati i UP-së, pa dyshim se është pengesa kryesore e voneses së dhënies së tyre. Lidhur me këtë rektori i UP-së është shprehur se “Universiteti i ka procesuar të gjitha bursat universitare. Po të disponoheshin mjetet e pageses së studentëve nga rektorati i universitetit, bursat do të mirreshin shumë shpejtë”. Duke vënë në pah rëndësinë e stratejis së tij për financim suplementar ai shprehet se “Këtu konsiston ideja e strategjis së financimit suplementar, që këto mjete të disponohen dhe të mos ketë vonesa të tilla burokratike”. Pasi e largon fajin nga vetja rektori, prof. Arsim Bajrami, vazhdon “Për momentin kërkesat janë dërguar në MASHT dhe është në detyren e ministrisë që këto pagesa t’i ndajë sa më shpejtë sepse vonesat janë të pa kuptimta”.
Me gjithë këtë rektorati i UP-së ende nuk din se sa do të jetë shuma e një burse që i ipet studentit. Tani për tani qarkullojnë thashethëme nga më të ndryshmet lidhur me këtë. Dikush përmend shifren 500 €, por ka edhe nga ata të cilët presin nga një bursë shumen e të hollave gjerë në 900 €. Sado që spekulohet me shifra, studentëve nuk u intereson edhe aq shuma e të hollave, edhe pse nevojat janë mjëft të mëdha. Ata kërkojnë hisen e tyre, ata duan bursat që u takojnë dhe atë në afatin më të shkurtër.

Nga: Besnik KRASNIQI