Aliu: Prioritet, cilësia dhe zhvillimi i fakultetit


Tetovë, 21 SHTATOR- Fakulteti Ekonomik i Universitetit Shtetëror të Tetovës ka fituar “Tempus” programin e Komisonit Evropian, i cili do të realizohet brenda 3 vjetësh dhe ka për qëllim rritjen e cilësisë dhe reformimin e sistemit arsimor në këtë fakultet dhe në USHT në përgjithësi. Vlerë e këtij programi janë 500 mijë euro. Këtë program e mbikëqyr Komisioni Evropian, konkretisht Drejtoria e përgjithshme për arsim dhe kulturë, kurse ndihma teknike i ofrohet nga Fondacioni evropian për trajnim. Gjithashtu edhe zyra nacionale e “Tempusit”, pranë Minstrisë së Arsimit bënë koordiminim e aktiviteteve të programmit.
Dekani i Fakultetit Ekonomik, Dr. Hamit Aliu, u shpreh i kënaqur që fakulteti që drejton ai, arriti të fitoj një projekt shumë të madh, me të cilin do të avancohet dukshëm fakulteti ekonomik, profesorët e tij dhe në përgjithësi do të jetë në të mirë të studentëve.


“Ndihma e Komisionit Evropian për Fakultetin Ekonomik, përmes programit të Tempusit, vjen në një kohë kur ne kemi një strategji shumë të mirë për avancimin e këtij fakulteti”, deklaroi Hamit Aliu.
Programi “Tempus” është i ndarë në tre projekte apo faza dhe atë në “Projekte të përbashkëta Evropiane”(PPE), “Bursa për Mobilitet personal”(BMI), në projektin “Masa Strukturore dhe Komplementare”(MSK), sqaroi Aliu.
Projektet e përbashkëta Evropiane janë aktivitete kryesore të “Tempus” programit, që zgjasin 2 ose 3 vjet. Me anë të këtyre projekteve “Tempus” programi bën njohjen e kursve të reja, njohjen e metodologjive moderne të mësimdhënies, ndihmon rikonstruimin e institucioneve arsimore, përkrah institucionet arsimore, jep ndihmë matriale për nevojat e institucionit, nëse vërteton se institucioni ka nevojë për realizmin e mirë të procesit arimor”, deklaroi Hamit Aliu.
“Bursa për mobilitet personal, u jepet stafit mësimdhënës, që nënkupton edhe asistentët e rinj që ndjekin studime pasuniversitare, pastaj stafit administrativ me detyra të veçanta, përfaqësuesve të asociacioneve të studentëve”, informoi Hamit Aliu.
Masat strukturore dhe komplementare janë projekt që përkrahet nga programi “Tempus”. Masat strukturore përkrahin zhvillimin, përmirësimin dhe implementimin e reformave në arsim. Masat komplementare janë të parapara për shkëmbimin e eksperiencës për realizmin e qëllimeve të programit “Tempus”, nënvizoi dekani i Fakultetit Ekonimik.
Dekani i këtij fakulteti sqaroi se në këtë program do të përfishen edhe studentë dhe profesorë nga Fakulteti Juridik, konkretisht nga e “E drejta ekonomike”, po ashtu edhe dega e informatikës do të jetë pjesë e këtij programi.

Nga:Halit AJDINI