Shqyrtohet propozimi i ministrit

TETOVË (29 DHJETOR)-Përfaqësuesit e Këshillit të studentëve të diplomuar në fakultetin e dramës dega e aktrimit kanë zhvilluar në fillim të kësaj jave një takim me ministrin e Arsimit të Maqedonisë Azis Pollozhanin në të cilin është biseduar për mundësitë apo modalitetet të cilët mund të jenë të zbatueshme për tu zgjidhur problemi I studentëve të këtij Fakulteti të cilët anuluan protestat e paralajmëruara për të hënën. Ky Këshill kërkon legalizim të këtij Fakulteti dhe njohjen e diplomave.Kryetari I Këshillit të studentëve Muzafer Etemi I konfirmoi redaksisë sone për një takim të tillë . Ai tha se sipas prononcimit të ministrit ky problem mund të zgjidhet në dy mënyra.

Forma e parë është zyrtarizimi I Fakultetit të Artit të dramës në Tetovë, mirëpo sipas Etemit ky zyrtarizim kërkon kushte dhe standarde të mira, për shkak se në Tetovë mungojnë këto kushte dhe forma e dytë sipas tij në bisedë midis ministrit dhe Këshillit ka qenë kalimi I klasave të cilat aktualisht studjojnë në Tetovë për në Shkup, bashkë me profesorët e tyre që këto studentë të diplomojnë në Universitetin “ Shën Kirili dhe Metodi”. Pyetja se si mund të zgjidhet cështja e diplomave , ministry ka thënë se do të krijohet një Komision të cilin do ta caktojnë profesorët dhe do të vlerësojë njohurittë e aktorëve dhe ndoshta do të ketë një provim plotësues për njohjen e këtyre diplomave.
“Pikërisht për këtë ne caktuam një takim me studentët dhe profesorët për të shqyrtuar këto mundësi të ministrit dhe kryesia e këshillit do të bëjë të njohur vendimet që do të marrim në takimin e sotëm” tha Etemi. Në takimin e së martës kishte konfirmuar prezencën e tij edhe sekretari shtetërorë në Ministrinë e Kulturës.

Nga: Urim SALIHU (Fakti)