Do të pranohen ose jo diplomat

Tetovë, 24 TETOR- Dilemat qëndrojnë ende dhe janë po të njëjtat .A do të nostrifikohen dipolmat e aktorëve të diplomuar në UT apo premtimet e shumta do ti marë uji. Komisioni i cili është formuar në lidhje me kompletimin e dokumentacionit të aktorëve të diplomuar tashmë ka filluar me punën dhe pritet që sot të vendoset se kush do të jetë edhe përfaqësuesi nga Ministria e Arsimit.
Prorektori i USHT-së Ismail Ahmeti në një deklaratë për Faktin u shpreh se dokumentacionet e aktorëve të diplomauar janë duke u kompletuar.
“Ne jemi duke punuar mjaft në këtë drejtim por na duhet edhe ndima e aktorëve pasi në disa raste hasim vështirësi

Komisioni i cili është formuar pret që brënda javës së ardhëshme të ketë kompletuar gjithë dokumentacionin përkatës ku në këtë drejtim ndimesën e tyre duhet të japin edhe aktorët që për raste eventuale kanë mungesë të dokumentacionit në disa aspekte. Më pas ne si komision do t’ia dërgojmë dosjet e aktorëve të diplomuar Ministrisë së Arsimit e cila ka vendimin kryesor dhe definitiv në këtë drejtim” tha prorektori Ahmeti .
Aktorët protestues janë të dëshpëruar duke pritur vendimin e Ministrisë së Arsimit pasi deri tani nuk ka asgjë konkrete në këtë drejtim. Kryetari i këshillit të aktorëve protestues Burhan Ameti tha se dita e gjykimit po afron dhe kjo është një ditë e rëndësishme për aktorët ku do të vendose se çfarë do të ndodhë me ta.
”Komisioni i sapoformuar është duke punuar në lidhje me kompletimin dhe verifikimin e dokumentacionit përkatës por përsëri edhe pasi të ndodhi kjo ne na pret dicka akoma edhe më e rëndësishme. Në datën 28 do të jetë mbledhja e dytë e këshillit të akreditimit dhe aty do të vendoset se cfarë do të bëhet me fatin e Fakultetit të Artit të Dramës -UT ,kurse ne do të presim se cfarë do të vendosi Ministria e Arsimit .Do të jetë vendimi i saj ai që do të konfirmojë se a do të jemi student me diploma të nostrifikuara dhe në cilin institucion i kemi mbaruar studimet” tha dje Burhan Ameti kryetar i këshillit të studentëve.

Nga:Diana FEKA